La Comba Aromatica 有機雲尼拿糖

La Comba Aromatica 有機雲尼拿糖, 除左可以整甜品加少許增加香味之外, 其實飲品都可以嘅. 大家只需要響飲品上加適量嘅雲尼糖, 就可以完全帶出呢種風味架啦!

La Comba Aromatica - 有機雲尼拿萃取液

通常大家整甜品嘅時候, 好多時候都會買一D人工嘅香精去做出雲尼拿嘅香味. 但宜家大家唔駛再去買呢D人工嘅香料啦!
La Comba Aromatica 呢個有機雲尼拿萃取液來自馬達加斯加, 每次製作甜品只需要落幾滴, 就可以完全帶出左雲尼拿嘅香味. 除左可以食到真真正正嘅雲尼拿味道之外, 最緊要係有機, 食得天然同健康, 唔需要再靠市面上嘅人工香精去做出呢種效果.

來自馬達加斯加嘅有機雲尼拿枝

La Comba Aromatica 來自馬達加斯加嘅有機雲尼拿枝. 香味濃郁持久, 可以用嚟整甜品, 雪糕, 甚至雲尼拿味嘅飲品都得架. 一盒有5枝, 仲有一個小小嘅簡單食譜教大家點樣去整野食. 送禮同自用都非常適合架.

8月份D.I.Y有機手工肥皂班

8月份我哋會舉辦一堂D.I.Y有機手工肥皂班, 名額有限, 有興趣嘅朋友快D嚟報名啦!

日期: 2013年8月30日 (星期五)
時間: 19:30 - 22:00
地點: 九龍觀塘開源道60號駱駝漆大廈3座1樓R室

內容:
課堂上會簡單講解手工肥皂的各種做法及分別, 並會教授大家用傳統冷製的方法來製作出對皮膚沒有刺激性的有機肥皂.
學員課堂上會採用全有機的植物油脂及精油製作, 絕不會潻加人工香精, 以達到全有機天然, 不刺激皮膚的效果.

7月24日門店暫停營業營業時間有更改

Sorry 營業時間有所更改, 修正資料如下:

7月24日 (星期三) : 3:00PM - 7:30PM
7月25日 (星期四) : 12:30 - 7:30PM (如常照舊).

不便之處, 敬請原諒.

有機藍艾菊手工肥皂回歸

敏感皮膚用嘅有機藍艾菊手工皂又番嚟啦! 大家可以直接過來我哋鋪頭或響網上購買.

有機濕疹肥皂回歸啦!!

我哋嘅濕疹肥皂又回歸啦!
由於呢個肥皂係特別針對濕疹朋友而設, 所以配方設計方面都比較特別. 用料除左坊間一般用嘅紫草浸泡油外, 我哋仲用左苦棟油, 金盞花浸泡油, 沙棘油, 藍艾菊精油..等呢D特別嘅材料, 希望將肥皂嘅功效可以發揮得再好D.
對自己嘅皮膚好D, 大家記得用番天然嘅產品啦!

CIME 皇牌 - Kissed by a Rose (有機玫瑰精華油)

CIME有機玫瑰精華油, 可以講係CIME嘅皇牌產品. 從上年炎熱嘅夏天 (三十幾度高溫下), 試用左差唔多成4個月, 體驗左點解佢係皇牌.

佢嘅質感好薄, 吸收度都好好, 塗上面後吸收得好快, 但又唔會覺得佢唔夠 (家中嘅皇后成六十幾歲, 皮膚屬乾性, 都完全覺得無問題). 最緊要係每朝早用左後響咁大熱天時嘅天氣下都唔覺得油同厚.

由於呢個玫瑰精華油係主要用玫瑰精油, 玫瑰籽油, 沙棘油呢D高效能嘅材料製造, 所以響美白淡斑同去印方面都幾好. 以我自己本身嚟講, 用左一個月左右面部嘅印同膚色都改善得幾快, 美白效果都快同明顯. 但就無諗到緊緻同肌膚彈性方面都可以咁快有效果睇得到, 最緊要係佢全線嘅產品, 都係講明可以塗埋去眼到, 就算連油都係, 真係好方便.

以我新陳代謝咁慢嘅人嚟講, 都可以咁快有效果睇到, 真係唔錯唔錯.

CIME 有機萬用膏刊登響 "Marie Claire" blog

CIME 嘅有機萬用膏響外國嘅 "Marie Claire" blog 都有介紹呀!
佢除左對肌肉疲勞酸痛有幫助之外, 仲有蚊蟲叮咬, 曬傷, 關節疼痛, 頭痛等都一樣掂架!

www.marieclaireblog.be/2013/07/getest-cime-eerste-hulp-balsem-himalaya-29n-81e/

有機南瓜籽油好處

以往整沙律我都會用上橄欖油, 但宜家唔會啦, 因為俾我發現左一隻超晒班嘅南瓜籽油.

其實南瓜籽油響營養價值方面都比其他油種好, 只不過係市場嘅宣傳手法上, 令到佢俾其他嘅油種蓋過晒風頭. 功效各方面我唔響到同大家詳細講啦, 你哋自己睇下圖片啦. 而味道同品種方面, 我可以好肯定咁同大家講比宜家市面上賣緊嘅95%冷壓食用植物油好一百倍 (熟識我嘅朋友仔都知道我係一個幾有要求嘅人).

至於食法, 其實除左整沙律外, 可以響湯面上淋少少, 用呢個油去帶香個味道 (特別係雲吞面, 真係好好食), 仲有可以用嚟撈公仔面, 蝦籽面或雲吞撈面等 (面煮好後隔走所有水, 再響面上加上適量嘅南瓜籽油同豉油撈勻), 加醋去點面包, 仲有可以每日起身空肚飲一茶匙 (就算淨飲油都好好味架, 大家唔需要擔心難入口). 其實食法仲有好多, 大家只有再俾d創意就可以創造更多嘅煮食方法.

其實大家唔好只將招點集中響椰子油, 橄欖油或亞麻籽油到, 俾個機會佢, 從新認識一下南瓜籽油嘅好處同味道.

La Comba Aromatica 無光敏佛手柑精油

佛手柑嘅味道好吸引, 好多朋友仔都好想將呢種香甜嘅味道用響自己製作嘅保養品上, 甚至乎製作香水用. 但好可惜大家平時見到嘅係帶光敏性, 唔能夠日光時間使用.
大家唔需要失望住, 因為我哋今次新番呢種佛手柑精油, 係無光敏架! 可以任何時間都用得.
以後無論整CREAM, 精華油又或者香水, 都唔需要擔心會產生黑色素啦!

CIME 有機認証萬用膏

我最愛用嘅 CIME 有機認証嘅草本萬用膏星期三有得賣啦!
話得萬用膏, 佢緊係多功效啦!
除左專門針對肌肉痛之外, 對咬叮蟲咬, 紓緩疲勞及因呢個問題而引起嘅頭痛..等都好有幫助架!
點解我咁鐘意用佢?? 因為我經常要用雙手去製作產品, 而且仲要成日用電腦, 搞到從右邊肩頸位至腰部嘅一大片肌肉都經常出現好酸痛嘅情況.
之前呢隻產品未出時, 我都係用住聖約翰草油先, 但呢個出左之後, 我已經將聖約翰草油打左入冷宮 (好似好衰咁...), 因為每次用左呢個萬用膏之後, 佢真係可以響一小時裡面有好明顯嘅改善, 所以無辦法, 真係要將佢放入我嘅第一位選用明單中.

新系列有機產品到貨啦!

La Comba Aromatica 新貨到左啦! 食得嘅又有, 外用嘅又有.
正在努力執貨中, 星期三你哋有得睇有得試啦!

有機面部可可磨砂沽清啦

呢一批有機面部可可磨砂已經全部沽清啦! 多謝各位朋友仔支持!
嚟緊下一批嘅製作時間可能係兩三個之後, 到時會再話俾大家知.

我的慢速減肥計劃

是日早餐 :
薰衣草蜂蜜混花生醬配格仔餅
檸檬精油混鮮榨西芹蘋果汁

呢個菜汁係用我新買嘅新玩具去整, 唔係榨汁, 係將成個蔬菜打碎變成汁, 所以又飽肚又健康, 真係好好味.

慢速減肥計劃開始啦!!

夏季大優惠

心思思又想有新搞作?!

心思思又想有新搞作, 宜家又構思緊搞搞新野俾各位朋友仔學下......如果用D名貴材料做香水, 你地有無興趣呢?

7月6日 - D.I.Y有機手工肥皂班

尋日幾位朋友仔為左自己親手造嘅有機肥皂真係出盡曬力啦! 係咪有D攰呢??
記得過幾日過嚟脫模呀! 如果唔係我據為己有. hehe...

佛手柑茶又回歸!

好耐之前曾經露過面嘅佛手柑茶, 你哋有無少少掛住佢呢? 唔洗掛, 佢又回歸啦!
佛手柑茶嘅香味除左同精油一樣咁正之外, 其實佢對腹脹, 腸抽筋, 食慾不振同幫助消化都好有用架! 另外配合埋金盞花混合黑茶底, 仲可以利尿解毒同抗病毒潻 (最適合流感季節飲, 因為可以有預防作用).
另外當心情煩躁同緊張嘅時候, 不妨飲用佛手柑茶去放鬆下!

健胃茶番嚟啦!

斷左貨嘅健胃茶 (Digestion Infusion) 又番嚟啦!

呢個茶除左健胃外, 對於有胃脹, 經常胃痛, 胃炎, 胃潰瘍, 腸胃炎, 腹瀉等問題嘅朋友會有調理及改善作用, 對消化系統嘅問題非常有幫助架. 另外因為當中有薄荷響入面, 所以當喉嚨唔舒服嘅時候, 仲可以舒緩同減輕喉嚨痛潻!

有興趣嘅朋友快D嚟試下啦!