好好用嘅有機摩洛哥堅果油

近年好多品牌嘅產品都會加左摩洛哥堅果油響裡面, 仲會將佢用嚟做產品嘅賣點. 點解?! 因為摩洛哥堅果油效果真係唔錯, 除左皮膚保養外, 頭髮保養都有唔錯嘅功效. 而粗略估計最少需要20小時或以上嘅時間, 先可以萃取到大約1公升嘅摩洛哥堅果油液. 所以佢嘅價錢會比起一般植物油昂貴.

摩洛哥堅果油具保護同皮膚再生嘅作用, 可以令皮膚免受有害陽光幅射嘅傷害. 另外佢對於問題性皮膚有減輕或改善的作用 (例如濕疹, 牛皮癬或痤瘡), 令發炎或痕癢嘅現象可以得到舒緩.

響皮膚保養方面, 佢可以預防或延緩縐紋嘅產生, 改善乾燥或粗糙嘅皮膚, 孕婦亦可以響懷孕期間將摩洛哥堅果油塗抹肚部, 用嚟預防妊娠紋嘅出現. 無論用響身體或臉部都有保濕滋潤作用.

至於護髮方面, 摩洛哥堅果油可以修復受損嘅髮質, 令到頭髮睇上嚟更有光澤.

佢嘅功效咁多, 你哋仲唔快D嚟試下!

有機臉部精華油 - 暗瘡配方

自己嘅皮膚一直以嚟都係非常容易生暗瘡. 休息時間唔夠又出, 用錯野又出, 天氣變化大又出, 壓力大又出, 荷爾蒙問題又出.
記得兩年前剛開呢間鋪嘅時候, 嚴重休息不足再加上壓力大, 令到塊臉不停生暗瘡. 仲要係大大粒好難謝兼留印嗰種, 總言之係成塊臉都紅卜卜好難睇, 自己都接受唔到. 所以就調左呢支暗瘡精華油俾自己用.
其實佢好快已經俾到效果我睇到, 而臉上嘅印同疤痕都好快咁淡化無左, 就連D客都問我用左乜野, 點解塊面可以好左咁多同咁快.
其實最初嘅時候我完全無諗住將呢個暗瘡精華攞嚟做產品賣. 但好多客都問, 而且我亦知道如果有暗瘡問題嘅朋友, 都會同我之前嘅心情一樣: 心急, 希望快D有一個辦法可以解決塊臉嘅問題. 所以最後都決定將呢個配方製成產品, 同大家一齊分享.
呢個精華唔係只為大家帶嚟一般嘅消炎作用, 佢仲可以幫大家臉上嘅暗瘡或荷爾蒙瘡加快好番, 令臉部生暗瘡嘅次數減少, 同埋生嘅荷爾蒙瘡時無咁大粒. 最緊要係暗瘡或荷爾蒙瘡印下來嘅疤痕或印, 都有淡化去印嘅功效. 所以一直以嚟都有好多朋友仔喜愛用佢.
如果你哋都係有同樣嘅問題煩惱緊, 不妨俾個機會呢個暗瘡精華去幫下你.

抗流感精油

自己最愛用嘅預防及抗流感精油

排毒精油

一個唔錯嘅排毒精油:

植物名稱: 有機一枝黃花精油 (Golden Rod)
植物學名: Solidago Canadensis
產地: 加拿大
萃取部位: 花 - 蒸餾
功效特性: 淨化排毒, 激勵肝細胞, 幫助肝臟排毒, 抗菌, 消炎, 抑制腫瘤, 降血壓, 預防新生兒尿布疹或其實皮膚困擾

Last Call -- Summer Sales!!

優惠到8月15日, 有興趣嘅朋友快D把握時間嚟補貨啦!

美味嘅芝士磨菇酥皮撻

有機食用精油到左貨後, 好多朋友仔都問我哋, 究竟精油可以點樣煮食? 咁份量又會係幾多?

為左解答大家嘅疑問, 我哋由今日開始會不定期為大家介紹點樣去運用呢D有機嘅食用精油及雲尼拿去製作出又簡單又美味嘅食品.

今次為食譜打響頭炮嘅就係芝士磨菇酥皮撻, 會用迷迭香食用精油去作出配搭. 首先簡單介紹一下呢個食用精油嘅作用先啦!

La Comba Aromatica 有機迷迭香食用精油

學名 : Rosmarinus officinalis

產地 : 西班牙 (Spain)

功效 : 利肝膽, 有助排毒, 調理黏膜炎或涼性咳嗽及支氣管炎, 袪痰, 緩解消化不良, 胃腸氣脹

適用 : 加入食物作調味 (如沙律, 蔬果汁, 甜品或肉類等)

材料準備 (2人份量)
1. 蕃茄 x 1個
2. 磨菇 x 7個 (約半盒左右)
3. 酥皮 x 1大塊
4. La Comba Aromatica 迷迭香食用精油
5. 黑胡椒 x 適量
6. 海鹽 x 適量
7. 橄欖油 x 1-1/2湯匙
8. 芝士 x 2片

開始製作先將磨菇及蕃茄切成小粒

切粒後將全部材料放於盤內

將1-1/2湯匙的橄欖油倒於碗內

再取迷迭香食用精油於橄欖油上噴一下

再用匙攪至均勻
(注意所有食用精油必須要先噴於食用油上攪拌才能倒於食材中)

將已跟食用精油攪拌好的橄欖油倒於已有蕃茄及磨菇的盤內

再用匙攪拌至均勻

攪拌後再加入適量的黑胡椒及鹽

之後再用匙攪拌至均勻

將酥皮切成一小塊放於撻盤上
(放酥皮前請先用橄欖油將撻盤掃勻, 以免出現黏底的情況)

再將已加入調味的蕃茄及磨菇粒放於酥皮上

將芝士切碎放於蕃茄及磨菇上, 之後便將酥皮撻放入已預熱的焗爐內以200度焗20分鐘

完成啦!! 又超簡單又美味!! 仲唔快D試下!

準備材料

構思緊新嘅D.I.Y班, 雖然仲未有方向, 但係都準備定D材料先得.
勁重手嘅Herbs去浸油, 等過幾日天氣好D, 仲要拎去曬太陽架.