薰衣草系列

這薰衣草系列看上去總是欠缺了甚麼 .... 對了! 加了薰衣草包就感覺完滿了.

這些薰衣草的出生地是普羅旺斯, 我們親自帶回來啊. 

南法之旅分享

呢個星期五 (6月28日) 夜晚嚟上堂嘅朋友, 你哋記得準時過來啦! 因為當晚我哋會抽少許時間同大家分享一下響普羅旺斯帶番來的地道食品, 同埋從中分享旅程上嘅特別事.
你哋記得唔好遲啦!

有機純露蒸餾過程

原 先特別安排左將香蜂草精油嘅蒸餾過程做一次介紹俾大家睇. 但因為植物方面嘅問題, 所以做唔到精油嘅蒸餾. 唯有臨時改改轉為蒸餾純露 (即花水) 俾大家睇. 但大家唔需要失望, 因為我已經安排左到精油生產嘅高蜂期時, 會再特別影一D相俾大家睇下. 宜家睇住花水止住咳先.

呢個就係今次用嚟蒸餾純露 (即係花水) 嘅蒸餾器啦, 唔好睇佢好似好細咁樣, 其實佢每缸都可以蒸餾到1000 - 1100嘅花水出嚟架.

先去缸嘅頂部打開左個蓋, 準備放入要蒸餾嘅植物

然後將一早已經準備好要蒸餾嘅植物倒入缸裡面

搞掂! 跟住將蓋關好, 開始開機蒸餾啦!

過左半個鐘之後, 開始出蒸氣同有水出嚟啦! 但仲未住, 整個花水嘅蒸餾過程唔係話一個半個鐘就搞掂, 要等成半日先蒸餾好一缸嘅花水架.

真正嘅花水開始出嚟啦!

試試味先

當花水開始出嚟嘅時候, 就會轉為用呢D好大好大嘅膠筒去裝.

響下個月係精油嘅生產高峰期時, 我已安排左拍攝一D相片或影片再詳細介紹俾大家知道, 所以你咃唔需要失望住架. 有興趣嘅朋友可以密切留意啦!

Ochaya - 來自普羅旺斯的花果茶

想對我哋來自普羅旺斯嘅花果茶 Ocyaha 有多D了解? 可以去 Yahoo 嘅新煮意睇下啦!

http://hk.promotion.yahoo.net/cooking/2013052111857/

南法之旅行程

下個月又再到普羅旺斯啦! 一個好響往的地方. 不過今次嘅行程會比以往嘅緊逼. 除左指定動作要去蒸餾廠, 有機種植場, 傾新野之外, 今次仲要去有機葡萄園同去有機葡萄油的製作工場. 希望唔會太辛苦啦!

都好彩, 辛苦中都仲有一個舒適放鬆嘅地方住宿, 希望可以有時間享受一下啦!

響行程期間 (6月15日 - 6月23日) 我哋都會同大家分享行程中嘅點滴, 如果見到D得意或者獨特嘅野, 除左會響網上同大家分享外, 仲可能有機會會幫大家代購架! 有興趣嘅朋友留意下啦!

^_^